Fransalı mütəxəssis Zinəddin Zidan və futbolçu Kriştiano Ronaldo yenidən tandem təşkil edə bilər.
QÜTB.AZ xəbər verir ki, portuqaliyalı superulduz Zidanı "Əl-Nəsr"in növbəti məşqçisi kimi görür. Bu, Kriştianonun özünün ideyasıdır.
"Marca" iddia edir ki, portuqaliyalı artıq ideyası barədə rəhbərliyi məlumatlandırıb.
Təbii ki, təyinat o halda mümkündür ki, Səudiyyə klubu ötən il iyulun 6-dan komandaya rəhbərlik edən Luis Kastronu istefaya göndərmək qərarına gəlsin. Onun rəhbərliyi altında "Əl-Nəsr" 51 oyun keçirib və cəmi bir titul qazanıb.
Zidan 2016-2018-ci illərdə Ronaldo ilə "Real"da çalışıb. Birlikdə iki dəfə UEFA Çempionlar Liqasının, La Liqanın, İspaniya Superkubokunun, UEFA Super Kubokunun və klublararası dünya çempionatının qalibi olublar.
Qutb
