"Real" "Mançester Siti"nin hücumçusu Erlinq Haaland ilə bir neçə bənddən ibarət müqavilə imzalamaq üçün strategiya hazırlayıb.

Publika.az xəbər verir ki, bu barədə "Sport.es" məlumat yayıb.

Mənbənin sözlərinə görə, birincisi, "Los Blankos" norveçlinin ətrafı ilə diqqətli qarşılıqlı əlaqəyə üstünlük verərək, oyunçuya təzyiq göstərməyəcək və onu qərar verməyə tələsdirməyəcək.

İkincisi, "Real" ümid edir ki, Haalandın müqaviləsində nəzərdə tutulan təzminat məbləği hər mövsüm azalır. Bu da hücumçu ilə müqavilə imzalamağa kömək edəcək.

Üçüncüsü, Madrid klubu Haalandın əla münasibətdə olduğu yarımmüdafiəçisi Cud Bellinqemin norveçlini komandaya keçməyə razı sala biləcəyinə inanır.

Dördüncüsü, "qalaktikos" "Mançester Siti"nin oyunçusu ilə danışıqlar aparmaq üçün müxtəlif agentlərin xidmətindən istifadə etməyi planlaşdırır.

Xatırladaq ki, 23 yaşlı futbolçunun İngtərə klubu ilə hazırkı müqaviləsi 2027-ci ilin yayına qədərdir. Futbolçunun bazar dəyəri isə 180 milyon avrodur.

Heybət