ABŞ, Böyük Britaniya, Fransa və Almaniya Niderlandın Baş naziri Mark Ruttenin NATO-nun baş katibi postuna namizədliyini dəstəkləyir.
Publika.az xəbər verir ki, NATO Baş katib Yens Stoltenberqin yerinə gələcək ad ictimaiyyət tərəfindən maraqla gözlənilərkən, Mark Rutte NATO-nun baş katibliyi üçün əsas namizəd sayılır.
Adı açıqlanmayan ABŞ rəsmisi prezident Co Baydenin Ruttenin NATO-nun növbəti baş katibi olmasını qətiyyətlə dəstəklədiyini açıqlayıb.
Baydenin Rutteni dəstəklədiyi xəbərinin ardınca jurnalistlərə açıqlama verən Britaniya rəsmisi İngiltərənin Ruttenin namizədliyini dəstəklədiyini açıqlayıb: "Britaniya Mark Rutteni NATO-nun baş katibi Yens Stoltenberqin varisi kimi güclü şəkildə dəstəkləyir”.
Fransa prezidenti Emmanuel Makron da Parisin Ruttenin namizədliyini dəstəklədiyini açıqlayıb.
Almaniya kansleri Olaf Şoltsun NATO-nun növbəti baş katibi vəzifəsinə Mark Rutteni dəstəklədiyi bildirilir.
Stoltenberq Ukraynada müharibə səbəblərinə görə səlahiyyət müddəti iki dəfə uzadılandan sonra oktyabrın 1-də vəzifəsini tərk edəcək.
Roza
