ABŞ-ın Florida ştatında polis 46 yaşlı Şennon Atkinsi ABŞ Prezidenti Donald Trampı ölümlə hədələməkdə ittiham edərək həbs edib.
QÜTB.AZ xəbər verir ki, bu barədə polisin mətbuat xidməti məlumat yayıb.
Həmin şəxs sosial şəbəkədə prezident Donald Trampa qarşı təhdidlər yazıb.
Atkinslə bağlı təhqiqat bazar ertəsi hüquq-mühafizə orqanlarının onun sosial mediadakı paylaşımları ilə bağlı xəbərləri aldıqdan sonra başlayıb. Atkins cümə günü axşam həbs edilib. Saxlanılan zaman onun üzərində kokain olduğu məlum olub.
Saxlanılan şəxsə qarşı iki maddə üzrə ittiham irəli sürülə bilər: "İnternetdə öldürməklə hədələyən və ya hədələyən yazılı mesajlar yaymaq", habelə "narkotik vasitələrin qanunsuz saxlanması".
Hüseyn İbadlı
