Mingəçevir su anbarında qanunsuz balıq ovlayan şəxs saxlanılıb.
Bu barədə Publika.az-a Daxili İşlər Nazirliyinin Mətbuat Xidmətinin Şəki regional qrupundan məlumat verilib.
Qeyd olunub ki, Su Nəqliyyatında Polis İdarəsinin əməkdaşları Mingəçevir su anbarında keçirdikləri növbəti yoxlamalar zamanı qanunsuz olaraq balıq ovu ilə məşğul olan R.Məmmədovu müəyyənləşdirərək saxlayıb.
Onun ovladığı balıqlar və istifadə etdiyi digər avadanlıqlar maddi sübut kimi götürülüb.
