“Liverpul” əməkdaşlarının Milad şənliyi yarımçıq kəsilib.
QÜTB.AZ xəbər verir ki, bu barədə “Daily Mail” məlumat yayıb.
Mənbənin məlumatına görə, tədbirdə 500-ə yaxın klub əməkdaşı iştirak edib. İşçilərdən birinin halı pisləşdiyi üçün tədbir dayandırılıb.
Qeyd olunur ki, ziyafətdə narkotik vasitələrin qəbulu ilə bağlı narahatlıqlar olub. Tualetlərə baxış zamanı qeyri-qanuni maddələrin saxlanması üçün istifadə olunan boş miniatür torbalar aşkar edilib. Tədbirin davam etdirilməməsinə qərar verilib.
Bildirilib ki, sonda vəziyyətin narkotikdən istifadə ilə bağlı olmadığı müəyyən edilib. Qeyd olunur ki, nə baş məşqçi Arne Slot, nə də “Liverpul”un oyunçuları gecədə olmayıblar.
