Fransanın paytaxtı Paris şəhərində keçirilən “Böyük Dəbilqə” turnirində Azərbaycan cüdoçuları 1 qızıl və 2 bürünc medal qazanıblar.
QÜTB.AZ xəbər verir ki, komandamız medal əyarına görə ümumi hesabda 5-ci, kişilər arasında isə 4-cü yeri tutub.
İlk yarış günü -66 kq çəkidə Ruslan Paşayev qızıl, -73 kq çəkidə Rəşid Məmmədəliyev bürünc medal əldə edib.
İkinci yarış günündə -81 kq. çəkidə Ömər Rəcəbli bürünc medal qazanıb. Üçüncü yer uğrunda rəqibi yaponiyalı Yoşito Hojo zədə səbəbindən görüşə çıxmadığı üçün qələbə Ömərə verilib.
-100 kq. çəkidə Əjdər Bağırov yarışı 5-ci yerdə tamamlayıb.
