Ermənistanın "Vətənin gücü" partiyasının lideri Tiqran Arzakantsyan İrəvanın “Zvartnots” hava limanında saxlanılıb.
Publika.az xəbər verir ki, bu barədə “shamshyan.com” saytı məlumat yayıb.
Saytın məlumatına görə, hadisə dekabrın 29-da təxminən saat 07:30 radələrində Dubaya uçan təyyarəyə minməzdən əvvəl baş verib. Axtarış zamanı Arzakantsyanın əl yükündən 16 ədəd patron aşkar edilib.
Hadisə ilə bağlı protokol tərtib olunub, cinayət işi başlanıb.
Xatırladaq ki, 57 yaşlı Arzakantsyan iri sahibkar, “Vətənin Gücü” partiyasının qurucusu və lideridir.
