Qazaxıstan prezidenti Kasım Jomart Tokayev 2026-cı ildə BMT-yə rəhbərlik etmək niyyətində olmadığını bəyan edib.

QÜTB.AZ xəbər verir ki, Tokayev bu barədə yerli mətbuata müsahibəsində deyib.

“Mən BMT-nin Baş katibi və Silahsızlanma üzrə Konfransın baş katibinin müavini kimi BMT-nin Cenevrə ofisinə rəhbərlik edirdim. Faydalı təcrübə və beynəlxalq mexanizmlər haqqında anlayış əldə etdim. Məncə, bu, artıq kifayətdir. Ölkəmizin gələcək inkişafı ilə bağlı çoxlu planlarım var. Onları həyata keçirmək niyyətindəyəm”, - deyə Tokayev bildirib.

O, həmçinin əlavə edib ki, görünməmiş geosiyasi gərginlik şəraitində Qazaxıstan sabit iqtisadi inkişaf və ölkənin təhlükəsizliyi kursu ilə irəliləyir. Və bu kursun sayəsində Qazaxıstan həm Qərbdə, həm də bütün dünyada neytral ölkə adlandırılır. Tokayev qeyd edib ki, buna ölkənin beynəlxalq aləmdə göstərdiyi balanslı və məsuliyyətli münasibət, habelə Astananın ən kəskin münaqişə və problemlərə konstruktiv yanaşması sayəsində nail olmaq mümkün olub. Qazaxıstan Prezidenti vurğulayıb ki, əsas məqsəd ölkənin iqtisadi potensialını, suverenliyini və beynəlxalq aləmdə mövqeyini gücləndirməkdir.

Tural