Beynəlxalq Cinayət Məhkəməsinin yeni sədri Tomoko Akane Rusiya prezidenti Vladimir Putinin Ukraynadakı hərbi cinayətlərə görə cavab verməli olduğunu bildirib.

Publika.az xəbər verir ki, o, bu fikri "Kyodo News"-a müsahibəsi zamanı vurğulayıb.

Jurnalistlərin sualına cavab olaraq o, Çin atalar sözündən sitat gətirib: “Cənnətin intiqamı yavaş, lakin ədalətlidir”.

Akane, BCM-nin üzləşdiyi çətinlikləri, o cümlədən “son iki ildə insanların həbsinə səbəb olan heç bir işin olmamasını” etiraf edərək deyib ki, onlara qarşı həbs qərarı qəbul olunub.

Qeyd edək ki, Tomoko Akane 2023-cü ilin martında Rusiya prezidenti Vladimir Putin və uşaq ombudsmanı Mariya Lvova-Belovanın Ukraynanın işğal olunan ərazilərindən uşaqları Rusiyaya qanunsuz deportasiya etmək ittihamı ilə həbs qərarı imzalayan BCM-nin üç hakimindən biri olub. 2024-cü ilin martında o, BCM-in yeni prezidenti seçilib.

Cəmilə