Fransa prezidenti Makron Rusiyanın Ukrayna müharibəsində qalib gəlməsinə imkan verilməməli olduğunu və ABŞ prezident seçkilərinin nəticələrindən asılı olmayaraq Kiyevi dəstəkləməyə davam etməli olduqlarını bildirib.

Publika.az xəbər verir ki, Fransa prezidenti Emmanuel Makron bunu Davosda çıxışı zamanı deyib.

O qeyd edib ki, Rusiyanın Ukraynadakı müharibədə qalib gəlməsinə icazə verilə bilməz:

“Buna görə də, avropalılar ABŞ prezident seçkilərinin nəticəsindən asılı olmayaraq bu il Kiyevə kömək etmək üçün səylərini təzələməlidirlər. 2024-cü il avropalılar üçün əsas il olacaq. Avropa və Yaxın Şərqdə müharibə yenidən başladı. Yaxın Şərqdə sülhün təmin olunması üçün hər şey edilməlidir. Avropanın kənd təsərrüfatı, texnologiya və müdafiə sənayesi kimi sahələrdə hökmran olmasını istəyirəm”.

Makron Avropanın yenidən qurulan dünyada ciddi çətinliklərlə üzləşdiyini və Ukrayna-Rusiya müharibəsindən sonra qitədə enerji qiymətlərinin artdığını xatırladıb.

Aysel Şahmar