Almaniya orduda boşluğu aradan qaldırmaq üçün müxtəlif üsullara əl atır. Son olaraq türklərin sıx yaşadığı yerlərdə “Dəniz donanmasının bir parçası olun” yazılan afişalar yerləşdirilib.

Publika.az xəbər verir ki, Rusiyanın Ukraynaya hücumundan sonra Almaniya ordusu Avropada mümkün müharibə ssenarilərinə qarşı hazırlıqlarını artırır. Eyni zamanda kadr boşluğunu aradan qaldırmağa çalışır.

Məqsəd hazırda 183 min olan hərbi qulluqçuların sayını 2031-ci ilə qədər 203 minə çatdırmaqdır.

Türklərin cəmləşdiyi bölgələrdə asılan plakatlarda türkcə yazılmış “Donanmamızın bir parçası olun” ifadəsi diqqət çəkir.

Posterdəki QR kodu Almaniya Silahlı Qüvvələrinin saytına müraciətə istiqamətləndirir. Burada dövlət qulluqçusu, pilot, ofis işçisi, menecer, mühəndis və dəniz zabiti kimi bir çox fərqli vəzifələr var.

Hökumət ortağı Azad Demokrat Partiyasından deputat Marie-Agnes Strack-Zimmermann alman pasportu olmayan əsgərlərin orduda xidmət göstərərək bu pasportu daha tez əldə etmələrinin mümkün ola biləcəyini deyib

Roza Şəfiyeva