Almaniyada keçirilən “Miss Germany 2024” gözəllik yarışmasında 39 yaşlı iranlı Apameh Senauer ölkənin ən gözəl qadını seçilib.

Publika.az xarici mətbuata istinadən xəbər verir ki, Almaniyada ilin ən gözəl qadınını seçmək üçün “Miss Germany 2024” adlı gözəllik müsabiqəsi keçirilib. 15 min qadının qatıldığı yarışmanın qalibi 6 yaşında ailəsi ilə birlikdə İrandan Almaniyaya köçən Apameh Senauer olub.

Alman əri və iki övladı olan gənc qadın “Qalib gəldiyimə inana bilmirəm” deyib. Müsabiqənin qalibi olaraq Apamehə 25 min avroluq pul mükafatı təqdim olunub.

Digər tərəfdən yaş məhdudiyyətinin qaldırıldığı yarışmanın ən böyük iştirakçısı 42 yaşlı Minon Kovolli olub.

“Miss Germany 2024” cəmiyyətin müxtəlifliyini əhatə edərək maneələri aşır və gözəllik standartlarını yenidən müəyyənləşdirir. İndi hər bir insanın unikallığı müsabiqə üçün vacibdir, ona görə də bu yolla təşkilatçılar hər kəsə səlahiyyət mesajı göndərmək istəyirlər.

İndi "Miss Germany" üçün əsas meyarlar individuallıq, cəmiyyətin inkişafına töhfə, məsuliyyət götürmək istəyi və şəxsi keyfiyyətlərdir. Həmçinin, qaliblər artıq tacı gözləməli deyillər. Əvəzində onların ali təhsil almaq və 25 min avro pul mükafatı qazanmaq imkanı var. Müsabiqədə yaş məhdudiyyəti ləğv edilib, əvvəllər müsabiqədə yaşı 39-dan yuxarı olmayan qadınlar iştirak edə bilirdi.

Buna baxmayaraq, Bir çox almanlar bu qələbəni qəbul etmək fikrində deyillər: onlar hesab edirlər ki, titul sahibi Almaniyanın ən gözəl qadınına bənzəmir və yarışda iştirak etmək üçün çox qocadır. “Miss Germany”in isə əsas məqsədi insanlara ilham verə biləcək nümunələri nümayiş etdirməkdir. Tədbirin təsisçilərinin fikrincə, gözəllik müsabiqələri ilə bağlı tanış anlayışlar köhnəlib və cəmiyyətin tələbatını ödəmir. Ölkədəki əsas gözəllik müsabiqəsinin konsepsiyasında belə əsaslı dəyişikliyi heç də bütün almanlar yüksək qiymətləndirmirdilər. Onların fikrincə, hamı tərəfindən sevilən çoxillik ənənələri ləğv etməkdənsə, cəmiyyətdə mövcud tendensiyalar üçün yeni rəqabət yaratmaq mümkün idi.