“Atletiko”nun hücumçusu Alvaro Morata zədələnib.
Publika.az xəbər verir ki, ispaniyalı futbolçu La Liqanın 24-cü turunun “Sevilya” (0:1) ilə matçında dizindən xəsarət alıb. O, bu səbəbdən oyunu davam etdirməyib.
Moratanın dizində çarpaz bağın yırtılması ilə bağlı şübhələr var idi. Amma bu, təsdiqini tapmayıb. Tibbi müayinədən sonra həkimlər ona sümüyünün əzilməsi və sağ dizinin medial yanal bağlarını burulması diaqnozunu qoyublar.
Onun nə vaxt sağalacağı açıqlanmayıb. Lakin Moratanın Çempionlar Liqasının 1/8 final mərhələsinin “İnter”ə qarşı ilk oyununu mütləq buraxacağı (20 fevral Milanda) dəqiqdir.
