Keçmiş təyyarə bələdçisi Asiyanın ən böyük hava yollarından biri olan Japan Airlines-ın (JAL) ilk qadın prezidenti olub.

Publika.az xəbər verir ki, bu barədə “Reuters” yazıb.

Mitsuko Tottori 1985-ci ildə JAL-da stüardessa kimi işə düzəlib və yüksək səviyyəli icraçı direktor vəzifəsinə qədər yüksəlib.

“Şirkətdə karyera yüksəlişində çətinlik çəkən qadın işçilər var. Ümid edirəm ki, mənim prezident təyin olunmağım onları ruhlandıra və ya növbəti addımı atmaq üçün cəsarət verə bilər”, - deyə Tottori mətbuat konfransında bildirib.

Nəşrin yazdığına görə bu təyinat Yaponiya şirkətlərinə gender müxtəlifliyini artırmaq üçün artan təzyiqlər fonunda baş verib. JAL, qadınların 2026-cı ilə qədər qrup üzrə idarə heyətinin 30 faizini təşkil etməsini qarşısına məqsəd qoyub. 2023-cü ilin mart ayının sonuna müvafiq göstərici 22,8 faiz təşkil edib.

Cəmilə