Kilian Mbappe ABŞ-a səfəri zamanı “Real”ın yoldaşlıq görüşlərini buraxacaq.
Publika.az xəbər verir ki, bu barədə “The Athletic” məlumat yayıb.
Avro-2024-də Fransa millisi ilə yarımfinala qədər irəliləyən Mbappenin istirahəti avqustun 7-ə kimi davam edəcək. Yalnız bu tarixdə yeni komandasında məşqlərə başlayacaq.
“Real” fransalı hücumçunun İtaliya “Atalanta”sı ilə UEFA Superkuboku matçında iştirak edəcəyinə ümid edir. Bu oyun avqustun 14-də Varşavada baş tutacaq.
Madrid klubu ABŞ-da “Milan”, “Barselona” və “Çelsi” ilə yoldaşlıq oyunları keçirəcək.
Qeyd edək ki, Mbappe PSJ ilə müqaviləsi başa çatdıqdan sonra azad agent kimi “Real”a keçib.
