Kreml rəsmisi Dmitri Peskov jurnalistlərin suallarını cavablandırarkən deyib ki, o, BMT-də Avropa peyklərinin işinə “Rusiyanın müdaxiləsi” ilə bağlı bəzi müzakirələrin təfərrüatını bilmir.
Publika.az bu barədə Rusiya mediasına istinadən xəbər verir.
“Biz bunun BMT-nin bəzi strukturlarının səlahiyyəti olub-olmadığını anlamalıyıq, bilmirəm hansı strukturlardan danışırıq”, - o, mətbuat nümayəndələrindən birinin şərhinə cavab verib.
Jurnalistin sözlərinə görə, BMT strukturlarından biri Rusiyanın Avropa ölkələrinin peyk sistemlərinin işinə guya müdaxiləsi ilə bağlı insidentləri pisləyib.
Finlandiyanın "Helsingin Sanomat" nəşri daha əvvəl bildirmişdi ki, bu ilin əvvəlindən NATO-nun şərq cinahında GPS nasazlıqlarının sayı artıq bütün 2023-cü il üçün eyni rəqəmdən üç dəfə çoxdur. Güman ki, bu, Rusiyanın güclü elektron müharibə (EW) stansiyalarının işinin nəticəsidir.
Adəm Abbaslı
