“Qalatasaray” yarımmüdafiəçi Vendelin transferi ilə bağlı “Zenit”lə danışıqlar aparır.
Publika.az xəbər verir ki, bu barədə UOL məlmat yayıb.
Mənbənin məlumatına görə, ötən həftə Türkiyə klubu 20 milyon avro və bonuslarla bağlı rəsmi təklif göndərib. Rusiya çempionu braziliyalı üçün daha çox məbləğ tələb edir. Buna görə də tərəflər arasında danışıqlar davam edir.
Qey edək ki, 26 yaşlı Vendel 2020-ci ildən “Zenit”də çıxış edir. O, Sankt-Peterburq komandasının heyətində 124 oyun keçirib, 20 qol vurub, 25 məhsuldar ötürmə verib. Futbolçunun müqaviləsi 2027-ci ilin yayında başa çatır.
