Sentyabrın 22-nə keçən gecə “Uembli” stadionunda baş tutan döyüşə görə boksçular Entoni Coşua və Deniel Dyubuanın nə qədər qazandığı məlum olub.
QÜTB.AZ xəbər verir ki, “GB News” boksçuların qonorarlarını dərc edib. Coşua 8 milyon, Dyubua isə 4,7 milyon dollar qazanıb. Boksçular, həmçinin hər baxış üçün ödənişin bir faizini alacaqlar, Coşua təxminən 33,5 milyon dollar, Dyubua isə təxminən 13,5 milyon dollar qazanacaq.
Keçən həftə Dyubua IBF versiyasında ağır çəki titulu uğrunda döyüşün beşinci raundda Coşuanı nokautla məğlub edib.
