Xəbər verdiyimiz kimi, bu gün qətlə yetirilən Mehman Əhmədov sabiq məmurdur.

Publika.a xəbər verir ki, o, 2022-ci ilə qədər “Azərbaycan Dəmir Yolları” QSC-nin İnfrastruktur departamentinin rəisi vəzifəsini tutub.

Prezidentin sərəncamı ilə “Tərəqqi” medalı ilə təltif edilib.

xxx

Bu gün Bakıda ailəsi ilə birgə qətlə yetirilən şəxs məktəb direktoru olub.

Publika.az Teleqraf.com-a istinadla xəbər verir ki, o, Bakı şəhəri 59 nömrəli məktəbin direktoru vəzifəsində çalışıb. Məktəb Xətai rayonu ərazisində yerləşir.

Bikə Əhmədova 01.09.2002-ci ildən 2012-ci ilə qədər Xətai rayonu Elşad Yəhyayev adına 56 nömrəli tam orta məktəbdə Riyaziyyat müəllimi kimi fəaliyyət göstərib. 2012-2021-ci ilə qədər Xətai rayonu 138 nömrəli tam orta məktəbdə Təlim-tərbiyə işləri üzrə direktor müavini vəzifəsini tutub. 2021-ci ildən 59 nömrəli məktəbin direktoru vəzifəsində çalışıb.

2015-ci ildə məktəb direktorları və direktor müavinləri üçün məktəbin idarə edilməsi üzrə təlimlərdə iştirak edib. III və IV Qrant layihənin qalibi olub.

Qeyd edək ki, hadisə saat 16:30 radələrində paytaxtın Xətai rayonunda baş verib. 1972-ci il təvəllüdlü Əhmədov Mehman Əhməd oğlu, 1977-ci il təvəllüdlü Əhmədova Bikə Bədəl qızı və 2015-ci il təvəllüdlü Əhmədov Məhəmməd Mehman oğlu kəsici alətlə qətlə yetirilib. Ailə üzvlərini qətlə yetirməkdə şübhəli bilinən 1999-cu il təvəllüdlü Əhmədov Əhməd Mehman oğlu polis əməkdaşları tərəfindən saxlanılıb.