Fransa Hərbi Hava Qüvvələrinə məxsus Beech 350 King Air ALSR kəşfiyyat təyyarəsi Rusiya Prezidenti Vladimir Putinin Kalininqrada gəlişini izləyib.
Publika.az xəbər verir ki, bu barədə “Moskovski Komsomolets” "Flightradar24"ün məlumatlarına istinadla yazır.
Nəşr bildirib ki, Böyük Britaniya Kral Hərbi Hava Qüvvələrinə məxsus "Boeing RC-135W" elektron kəşfiyyat təyyarəsi də bölgəyə yaxınlaşıb.
Qeyd edək ki, Vladimir Putin bu gün Kalininqrada gəlib. Tatyana Günü münasibətilə dövlət başçısının Baltik Federal Universitetinin tələbələri ilə görüşü nəzərdə tutulub.
Xatırladaq ki, Fransa və Böyük Britaniya NATO-nun tamhüquqlu üzvüdür.
Hüseyn İbadlı
