Beynəlxalq Tennis Dürüstlük Agentliyi (ITIA) amerikalı tennisçi Keysi Kaniyanı antidopinq qaydalarını pozduğuna görə cəzalandırıb.
Publika.az xəbər verir ki, bu barədə qurumun rəsmi saytında məlumat verilib.
Bildirilir ki, 2023-cü ilin avqustunda Karidə ( ABŞ ) keçirilən Challenger Series turnirində 21 yaşlı tennisçidə marixuana izləri aşkarlanıb. Qeyd edilir ki, Kaniyanın bu maddə üçün etibarlı terapevtik istifadə icazəsi yoxdur.
7 noyabr 2023-cü ildə marixuana varlığını təsdiq edən B nümunəsinin laboratoriya analizindən sonra Kaniya antidopinq qaydalarını pozmaqda ittiham olunub. Tennisçi günahsız olduğunu sübut edə bilməyib. Kaniyanın iki illik cəza müddəti 2 fevral 2024-cü ildə başlayır və 1 fevral 2026-cı ildə başa çatacaq.
Hüseyn İbadlı
