4355 nəfər Yay Olimpiya Oyunlarında iştirak üçün Parisə buraxılmayıb.

Publika.az xəbər verir ki, bu barədə Fransanın daxili işlər naziri Cerald Darman məlumat verib.

Onun sözlərinə görə, həmin şəxslər mümkün təhlükə səbəbindən buraxılmayıb. Yoxlamalar nəticəsində 880 nəfər xarici müdaxilə şübhəsi ilə, 142 nəfər dövlət təhlükəsizliyi siyahısında olan, 260 nəfər radikal islamçılığa görə, 186 nəfər ifrat sol ekstremizm, 96 nəfər ifrat sağçı ekstremizmlə əlaqəyə görə qadağa ilə üzləşib.

Fransa Daxili İşlər Nazirliyi 2024-cü il Oyunlarında bu və ya digər şəkildə iştirak edəcək hər kəsi - idmançıları, məşqçiləri, jurnalistləri, könüllüləri, şəxsi mühafizəçiləri və hətta Olimpiya mərasimlərinin keçirildiyi ərazinin yaxınlığında yaşayanları yoxlayıb.

Darman nazirliyin Oyunları işıqlandırmaq istəyən xeyli sayda jurnalistin ölkəyə girişini qadağan etdiklərini də söyləyib. Onların əksəriyyəti ruslar və belaruslardır.

Heybət