Ermənistanın baş naziri Nikol Paşinyan illik hesabatı dinləmək üçün yanvarın 26-da Milli Təhlükəsizlik Xidmətində olub.

Publika.az xəbər verir ki, bu barədə Ermənistan mətbuatı yazır. Həmin görüşdə Milli Təhlükəsizlik Xidmətinin rəhbəri Azərbaycana verilən mina xəritələrinin keyfiyyətsiz olduğunu etiraf edib.

O, Paşinyana müraciətində “Bizi minalanmış ərazilərin xəritələrinin keyfiyyətsiz olmasında günahlandırmayın, əlimizdə olan budur” deyib.

Onun bu açıqlaması revanşist erməniləri isterikaya salıb. Onlar iddia edirlər ki, MTX-nin belə etirafı Azərbaycana yarınmaqdır və Paşinyanın tələbi ilə verilib.

Elə həmin görüşdə bildirilib ki, Ermənistan Milli Təhlükəsizlik Xidməti keçmiş hərbi qulluqçularla müsahibənin aparılması üzrə işi bərpa edib, nəticədə 8 yeni xəritə aşkarlanıb və yaxın günlərdə Azərbaycan tərəfinə veriləcək.

Qeyd edək ki, Bakı dəfələrlə bəyan edib ki, Ermənistanın təqdim etdiyi xəritələr minalanmış əraziləri düzgün göstərmir.

Tural