Fransa yığmasının hücumçusu Kilian Mbappe Avstriya ilə Avropa çempionatının qrup mərhələsinin 1-ci tur matçında (1:0) burnunu zədələndikdən sonra yumoristik paylaşım edib.
Publika.az xəbər verir ki, Mbappe “X” sosial şəbəkəsində yazıb: “Maska üçün ideya”.
Xatırladaq ki, Mbappe 86-cı dəqiqədə avstriyalı müdafiəçi Kevin Danso ilə toqquşmadan sonra burnunu sındırıb. Bundan sonra forvard dəyişdirilib və daha sonra Düsseldorfdakı klinikalardan birinə yerləşdirilib.
Müayinədən sonra qərara alınıb ki, Mbappe əməliyyata ehtiyac duymayacaq və Niderlandla növbəti oyunda heyətə cəlb oluna bilər.
