Ötən gün Moskvanın mərkəzində baş verən atışma nəticəsində Çeçenistandan olan 29 yaşlı MMA döyüşçüsü Rəsul Oçayev yaralanıb. Bu barədə sosial şəbəkələrdə məlumat verilib.

Publika.az xəbər verir, "Mash" Teleqram kanalının məlumatına görə, güllə Oçayevin buduna dəyib və o, təcili əməliyyat olunub.

Rəsul Oçayev dostu, 38 yaşlı sürücü Vitali Çibotarla birlikdə “Qızıl üzük” otelinin yaxınlığında qəzaya uğrayan qara rəngli “Lexus” markalı avtomobildə olub. Məlumata görə, yolda Oçayevlə "DXR" Boks Federasiyasının rəhbərinin qızı Emiliya Sarkisyan arasında münaqişə baş verib və o, qohumlarından ona kömək etməyi xahiş edib.

Bildirilib ki, atışma qızın atasının silahlı mühafizəçiləri hadisə yerinə gəldikdə başlayıb. Xəstəxanaya Oçayevdən başqa Armen Sarkisyanın iki mühafizəçisi də aparılıb.

Moskva Baş İstintaq İdarəsinin mətbuat xidmətinin verdiyi məlumata görə, Moskvanın mərkəzində baş verən atışmadan sonra xuliqanlıq maddəsi ilə cinayət işi açılıb. TASS xəbər verir ki, idarənin məlumatına görə, üç nəfər xəsarət alıb, daha biri saxlanılıb.

Müstəntiqlər həkimlərdən icazə aldıqdan sonra “29 yaşlı müttəhim”i dindirməyə hazırlaşırlar. O, Rusiya Federasiyasının Cinayət Prosessual Məcəlləsinin 91-ci bəndinə uyğun olaraq saxlanılıb. Müstəntiqlər bildiriblər ki, atışma "Grand Power" travmatik tapançadan istifadə edilməklə həyata keçirilib.

Murad