Nepal hökuməti tərəfindən açıqlanan hesabatda 72 nəfərin öldüyü təyyarə qəzasının təfərrüatları məlum olub.
Publika.az xəbər verir ki, Nepal hökuməti tərəfindən təyyarə qəzalarını araşdırmaq üçün təyin edilən 5 üzvdən ibarət komissiya sərnişin təyyarəsinin qəzaya uğraması ilə bağlı yekun hesabatı açıqlayıb.
Qəzaya səbəb həm insan səhvi, həm də diqqətsizlik olub. Pilotların uçuş zamanı "elektrik enerjisini təsadüfən kəsməsi" qəzaya səbəb olaraq bildirilib.
Hesabatda həmçinin, təyyarəyə lazımi texniki qulluq göstərildiyi, heç bir qüsurunun olmadığı qeyd edilib.
Qeyd edək ki, yanvarın 15-də Yeti Hava Yollarına məxsus "ATR 72" tipli sərnişin təyyarəsinin Seti çayı vadisi yaxınlığında qəzaya uğraması nəticəsində 72 nəfər həlak olub.
Təyyarənin qara qutusu yanvarın 16-da tapılaraq ekspertiza üçün Fransaya göndərilib.
Roza
