Ben Afflek hətta Cennifer Qarnerlə evliliyi dövründə də Cennifer Lopezin ona yazdığı məktub və mesajları saxlayıb.

Publika.az xəbər verir ki, bu barədə Cennifer Lopez "Heç vaxt danışılmamış ən böyük sevgi hekayəsi" adlı sənədli filmindən danışıb.

Aktyorun məktubları saxlaması Cennifer Lopezin pərəstişkarlarına romantik addım kimi görünsə də, keçmiş həyat yoldaşının fanatları buna irad bildiriblər. Maraqlıdır ki, bu hekayədən sonra "Daily Mail"in məlumatına görə, eks cütlük birlikdə psixoloqa seansına getməli olub.

Lopez filmində Afflekin məktubları saxladığı albomunu nümayiş etdirib. "Ben bu kitabı birlikdə ilk Milad bayramımızda mənə hədiyyə etdi. Kitabda 20 il əvvəl və bu gün bir-birimizə yazdığımız hər məktublar var. Həyatımın sevgisini, ən yaxşı dostumu itirəndə çox sıxılırdım. Bu barədə illərlə danışa bilmədim və ən çətini bu idi", - artist qeyd edib.

Cennifer Lopez və Ben Afflek 2002-ci ildə "Jersey Girl" filminin çəkiliş meydançasında tanış olublar. Bu tanışlıqdam sonra onlar Hollivudun ən görkəmli cütlüyünə çevriliblər. Onlar 2004-cü ildə evlənməyi planlaşdırırdılar, lakin toya bir neçə gün qalmış qəfildən ayrılıqlarını elan etdilər. Onların fikrincə, ayrılmalarına səbəb paparatsilərin cütlüyə həddindən artıq diqqəti olub. Lopezdən ayrıldıqdan sonra Afflek Cennifer Qarnerlə evləndi. Bu nikahdan 3 övladı olan məşhurlar 2015-ci ildə ayrıldıqlarını açıqladılar. Boşanma prosesi 2018-ci ildə rəsmi olaraq yekunlaşdı.

Lopez və Afflekin illər əvvəl baş tutmayan toyu 2022-ci ildə həyata keçdi. Filmdə Afflek ictimai olmayan ailə münasibətlərinə ümid etdiyini, ancaq həyat yoldaşı üçün güzəştə getdiyini etiraf edib.