Rusiya Daxili İşlər Nazirliyi teleaparıcı Tatyana Lazarevanı (Rusiya Federasiyasının Ədliyyə Nazirliyi xarici agent kimi tanıyıb) cinayət maddəsi ilə axtarışa verib.

Publika.az xəbər verir ki, bu barədə “RİA Novosti” departamentin məlumat bazasına istinadən məlumat yayıb.

Lazareva 22 iyul 2022-ci ildə xarici agentlərin reyestrinə daxil edilib. Siyahıya salınma səbəbi “siyasi fəaliyyətlə məşğul olmaq”, xarici mənbələrdə isə Ukrayna ilə bağlılıq göstərilib. Həmin ilin sentyabrında aparıcı Ədliyyə Nazirliyinə qarşı onun reyestrdən çıxarılması tələbi ilə məhkəməyə müraciət etsə də, məhkəmə iddianı təmin etməyib.

Lazareva Rusiyanı tərk etdikdən sonra şöhrətini və aktuallığını itirdiyini bildirib. “Əlbəttə, bu, çox ciddi depressiya idi. Düzünü desəm, indiyə qədər birtəhər yeni həyatımı tənzimləməyə başladığımı deməzdim”, – deyə teleaparıcı etiraf edib.

Bundan əlavə, o, köçdükdən sonra maddi çətinliklərlə üzləşdiyini vurğulayıb. "Bu, pul çatışmazlığına alışmaq üçün çətin vaxtlar idi", - Lazareva deyib.

Tural