Türkiyə polisi Rusiyadan olan 49 yaşlı turistin ölümündə əli ola biləcək Kəmərdə işləyən bələdçilərdən birini dindirir.

Publika.az xəbər verir ki, daha əvvəl məlumat verilmişdi ki, qadın yanvarın 4-də oteldən çıxıb və onu bir daha heç kim görməyib, yanvarın 12-də onun meyiti tapılıb.

Məlumata görə, Nikolos adlı bələdçi qadın axtarışında polislər can-başla yardım edirmiş. Həmçinin bildirilir ki, qadının mobil telefonu və cəsədi Nikolosun evinin yaxınlığında tapılıb, lakin əvvəllər ərazidə axtarışlar aparılıb və heç bir iz olmayıb. Müstəntiqlər meyitin həmin yerə atıldığını güman edirlər.

Həmçinin bildirilir ki, qışda Nikolos öz kəndində demək olar ki, tək qalır, ətrafdakı dağları yaxşı tanıyır.
Bir neçə qonşunun dediyinə görə, Nikolos rus qadınla evli olub, amma bir müddət əvvəl arvadı uşaqları da götürərək gedib.