Sosial şəbəkələrdə insanlar çox toksikdirlər. Xüsusilə qadınlar digər qadınlara nifrət qusurlar. Əgər haqqında danışdığınız şəxs ananız və ya qızınız olsaydı, bunu etməzdiniz.

Publika.az xəbər verir ki, bu sözləri Sasseks hersoginyası Meqan Markl 2024 SXSW konfransının açılış günündə əsas paneldə çıxış edərkən deyib. Sasseks hersoginyası çıxışında ona yönəlmiş onlayn toksiklik məsələlərinə toxunub.

O bildirib ki, hamilə olarkən sosial şəbəkələrdə ona ünvanlanan çoxsaylı neqativ şərhlərə rast gəlib. Bu şərhlərin çox amansız olduğunu vurğulayan Meqan, həm də onları yayımlayan platformalardan şikayət edib.

"Sadəcə insanların nə üçün bu qədər nifrət dolu olduğunu düşünün. İrad yox, qəddarlıq. Hamiləykən və ya bir ana olaraq bu qədər həssas və müqəddəs bir vaxtda olan birinə bunu nə üçün edəsən ki?", - Meqan əlavə edib.