Payız təbiətin rəng palitrasını dəyişdiyi kimi, makiyaj dünyasında da yeniliklərə qapı açır. Təbiiliyin ön planda olduğu, lakin cəsarətli detallarla zənginləşdiyi bir mövsümün xəbərçisidir. QUTB.AZ payızın göz oxşayan makiyaj trendlərini təqdim edir:

Bu mövsüm dəri baxımını vurğulayan parlaq və sağlam görünüş dəbdədir. Tonal kremlər yüngüldür və sanki dəridə yoxdur.

Dəriyə təbii parıltı verən maye işıqlandırıcılar və nəmləndirici əsaslar əvəzolunmaz məhsullar sırasındadır.

Dodaq boyalarında payızın simvol rəngləri olan tünd qırmızı və qəhvəyi tonlar ön plandadır. Mat bitirmə məhsulları ilə yanaşı, parlaq və atlaz teksturalı pomadalar da diqqəti cəlb edir. Bu tonlar sadə göz makiyajı ilə birləşdirildikdə zamansız zəriflik yaradır. Dumanlı göz makiyajı bu il pastel tonlarla modernləşdirilir.

Yumşaq boz, gavalı və ilıq qəhvə tonları gözlərdə romantik bir atmosfer yaratsa da , göz layneri ilə aydınlaşdırılmış görünüşlər trendi tamamlayır.

Payızda qaşlar təbii və dolğun görünüşü ilə diqqət çəkir. Qaş gelləri ilə formalaşdırılan və doldurma prosesi minimuma endirilən bu üslub üz cizgilərini yumşaldır və makiyaja müasir bir atmosfer qatır.

Metal göz kölgələri payız yarpaqlarının parıltısını gözlərinə gətirmək istəyənlərin vazkeçilməzdir. Qızılı , bürünc və mis tonlarında metal parıldamaq göz qapaqlarına dərinlik qatır və gecə makiyajının ulduzuna çevrilir.

Təbii və sadə görünüş əldə etmək istəyənlər üçün şaftalı və açıq qızılgül tonlarında ənliklərə üstünlük verilir. Yüngül tətbiqlərlə yanaqlara canlılıq əlavə etmək mövsümün minimalist ruhuna uyğun gəlir.