"ABŞ Prezidenti Donald Tramp Panama kanalında status-kvonu saxlamayacaq".

QÜTB.AZ xəbər verir ki, bunu ABŞ dövlət katibi Marko Rubio Panama lideri Xose Raul Mulino ilə görüşü zamanı bildirib.

Siyasətçinin sözlərinə görə, buna səbəb Çinin regionda təsirinin xeyli artmasıdır.

Dövlət Departamentinin bəyanatında deyilir ki, Tramp ilkin olaraq Çin Kommunist Partiyasının Panama kanalı üzərində mövcud təsir və nəzarət mövqeyinin kanal üçün təhlükə yaratdığını müəyyən edib.

Bundan əlavə, Rubio qeyd edib ki, Çinin fəaliyyəti Daimi Neytrallıq Müqaviləsini və Panama kanalının istismarını pozur. Amerika tərəfinin fikrincə, bu vəziyyət qəbuledilməzdir. Vəziyyətin gərgin olaraq qalacağı təqdirdə ABŞ hər hansı tədbir görmək niyyətindədir.

Mulino daha əvvəl bildirmişdi ki, Panama hökuməti “Bir kəmər və yol” təşəbbüsü üzrə Çin tərəfi ilə anlaşma memorandumunu uzatmayacaq. Qərar ABŞ-ın bölgədəki hüquqlarını qorumaq üçün “hərəkət görəcəyinə” söz verdikdən sonra verilib. Baxmayaraq ki, Vaşinqton güc tətbiq etməklə bağlı heç bir birbaşa hədə-qorxu gəlməyib.

Hüseyn İbadlı