"Gucci" və "Balenciaga"nın sahibi Kering, Manhettenin Beşinci prospektində, Trump Tower ilə üzbəüz yerləşən binanı 963 milyon dollara satın alıb.
Publika.az xəbər verir ki, bu barədə "Bloomberg" yazıb.
Şirkət 10,7 min kvadratmetr sahəsi olan və bir neçə səviyyəli pərakəndə satış sahəsinə malik binanın alınmasını mağazaları üçün “ən cəlbedici yerlər” əldə etməyə yönəlmiş strategiyanın həyata keçirilməsində növbəti addım adlandırıb.
Materialda qeyd olunur ki, o, keçən ay Praqada eyni küçədə yerləşən iki mülkü almaq üçün 835 milyon dollar xərcləyib.
Kering, son illərdə Parisdəki Montaigne prospektindəki və "Rue Castiglione"dəki binalar da daxil olmaqla, digər böyük pərakəndə satış obyektlərini əldə edib. Şirkət həmçinin Tokionun Omotesando rayonunda bir neçə binanın sahibidir.
Cəmilə
