Fransa Prezidenti Emmanuel Makron ölkəsinin Rusiyanın mümkün eskalasiyasına cavab verməyə hazır olduğunu bildirib.
Publika.az xəbər verir ki, bu barədə o, "France 2" telekanalına müsahibəsində danışıb.
O qeyd edib ki, Paris Moskvanın heç vaxt qalib gəlməməsini təmin edəcək qərarlar qəbul etməyə hazırdır .
"Bu gün bizim üçün müqavimət vaxtıdır", - Fransa lideri vurğulayıb.
Dövlət başçısı qeyd edib ki, Rusiya hazırda Fransanın rəqibidir, lakin ölkələr müharibə şəraitində deyil. Bununla belə, o, xəbərdarlıq edib ki, Moskva hamını münaqişəyə sürükləyən yeni eskalasiyaya qərar verərsə, vəziyyət dəyişə bilər.
Bundan əvvəl Makron Rusiyanı düşmən hesab etməkdən imtina edirdi.
Hüseyn İbadlı
