Moskva yaxınlığındakı "Krokus Siti Holl"da terror aktının sifarişçiləri və icraçıları tərəfindən istifadə oluna bilən kripto pul kisəsi aşkar edilib.

Publika.az xəbər verir ki, pul kisəsi ilə əlaqəli telefon nömrəsi İŞİD-in Əfqanıstan qoluna aid olan “Xorasanın səsi” təşkilatı ilə əlaqəli Teleqram kanallarından birində tapılıb. Məlum olub ki, sözügedən kanalı “Xorasanın səsi”ni də idarə edən Mavlavi_56 ləqəbli administrator idarə edib.

"RİA Novosti"nin məlumatına görə, martın 22-də terror aktı baş verən zaman kripto pul kisəsindən terrorçulara vəd edilənin təxminən yarısına bərabər məbləğ köçürülüb. Terror aktı baş verən gündən sonra bu kripto pul kisəsi ilə heç bir əməliyyat aparılmayıb. Bundan əlavə, agentlik qeyd edir ki, Krokusa hücum edən terrorçular üçün vəsait toplayan Teleqram kanalında əvvəllər ABŞ-da buraxılmış bank kartı nümayiş etdirilib.

Cəmilə