Hindistanın müxtəlif yerlərində, xüsusilə şərq, mərkəzi və şimal bölgələrində son bir neçə gündə Cənubi Asiyanın əksər hissələrini bürümüş anomal isti hava dalğası nəticəsində 50-dən çox insan ölüb.
Publika.az xəbər verir ki, bu barədə yerli media və hökumət rəsmiləri bildiriblər.
İstidən halı pisləşən 200-ə yaxın insan isə xəstəxanaya yerləşdirilib.
Ölənlərin əksəriyyəti şərqdəki Bihar əyalətindəndir.
Son bir neçə gündə xüsusilə Dehli və Racastan əyalətlərində temperatur 53 dərəcəyədək yüksəlib. Hindistan Meteorologiya Departamentinin məlumatına görə, bu göstərici normadan 8-10 dərəcə yüksəkdir.
