Almaniya bir gün əvvəl ABŞ-ın Avropada raketlər yerləşdirmək niyyətini təsdiqləyəcəyi təqdirdə Rusiyanın orta mənzilli nüvə silahlarının istehsalını bərpa edə biləcəyini bildirən Vladimir Putinin təhdidlərindən çəkinməyəcəyini bildirib.
Publika.az xəbər verir ki, Almaniya Xarici İşlər Nazirliyinin sözçüsü Sebastyan Fişer mətbuat konfransında deyib ki, bizi belə bəyanatlar qorxutmayacaq.
Qeyd edək ki, ötən bazar günü Sankt-Peterburqda dəniz paradı zamanı Putin ABŞ-ın hərəkətlərinin Soyuq Müharibə tipli raket böhranına səbəb ola biləcəyini söyləyib.
“Biz özümüzü orta və yaxın mənzilli zərbə silahlarının yerləşdirilməsi ilə bağlı əvvəllər qəbul edilmiş birtərəfli moratoriumdan azad hesab edəcəyik”, - Rusiya prezidenti bildirib.
Adəm Abbaslı
