İtaliya səfiri Çeçiliya Piççioni Rusiya Xarici İşlər Nazirliyinə (XİN) çağırılıb.
QÜTB.AZ xəbər verir ki, buna səbəb Ukrayna hərbçilərinin hücumunu işıqlandırmaq üçün İtaliyanın "RAI" (Radiotelevisione italiana) dövlət teleradio şirkəti jurnalistlərinin Rusiyanın Kursk vilayətinə qanunsuz daxil olmasıdır. Məsələ ilə bağlı səfirə kəskin etiraz bildirilib.
Rusiya XİN-in məlumatında deyilir:
"İtaliyalı müxbirlər Rusiya qanunvericiliyini və jurnalist etikasının əsas qaydalarını kobud şəkildə pozaraq, ölkəmiz ərazisində olmalarından Kiyev rejiminin cinayətlərinə təbliğat dəstəyini ağartmaq üçün istifadə ediblər".
