Argentina Olimpiya komandasının baş məşqçisi Xavyer Maskerano “Barselona”dakı keçmiş komanda yoldaşı Lionel Messi ilə görüşündən danışıb:

Publika.az xəbər verir ki, gənc mütəxəsis həmyerlisini 2024-cü ildə Parisdə keçiriləcək Yay Olimpiya Oyunlarında çıxış edəcək milli komandaya dəvət etdiyini bildirib:

“Mən Leo ilə danışdım. Biz bu mövzuya sonra qayıtmağa razılaşdıq. O, “İnter Mayami” ilə mövsümə yeni başlayıb, Olimpiadaya hələ vaxt var. Xüsusən də Amerika Kubokunda oynamalı olduğu üçün belə qərar verdik. Vəziyyət asan deyil. Onun həqiqətən oynamağa gücü varmı, görməliyik.

Siz başa düşməlisiniz ki, Leo yaşın ona təsir etməyə başladığının fərqindədir. Əla səviyyəsinə baxmayaraq, vaxtını və enerjisini bölüşdürməlidir.

Biz də onu narahat etmək, təzyiqdə saxlamaq istəmirik. Ondan qabaqcadan soruşduq və bu barədə düşünməsi üçün lazım olan hər şeyi edirik. "İnter Mayami" və MLS-in necə olduğunu nəzərə alsaq, onun bir müddət kənarda qalması da asan olmayacaq. Amma o, mütləq qərar verəcək”.

Heybət