ABŞ dövlət katibi Entoni Blinken Nümayəndələr Palatasının Xarici Əlaqələr Komitəsində Əfqanıstanla bağlı keçirilən sessiyada Suriyadakı son vəziyyəti dəyərləndirib.

QÜTB.AZ xəbər verir ki, Blinken Suriyadakı keçid prosesini yaxından izlədiklərini və ölkədə sabitliyin əldə olunacağına ümid etdiklərini qeyd edib:

“Səmimiyyətlə ümid edirəm ki, Suriya son bir neçə onilliyin fəlakətlərindən uzaqlaşaraq, ölkəni təşkil edən bütün müxtəlif icmaları əks etdirən bir millətə çevrilə bilər. Bununla da hər kəsi bir araya gətirən siyasi keçidə nail ola bilərik. Əgər Suriya əks istiqamətdə getsə və parçalansa, daha çox kütləvi köç, terror və ekstremizmin mərkəzinə çevrilən bir bölgə görəcəyik. Bunların heç biri bizim marağımıza uyğun deyil”.

O, Suriyada İŞİD-in dirçəlməsinə imkan verəcək mühiti əsla istəmədiklərini açıqlayıb.

“Əsəd siyasi prosesdə iştirak etməməsinin bədəlini ödədi”

Blinken Bəşər Əsəd rejiminin süqutu ilə bağlı da danışıb. O, Əsədin ən yaxın iki “müdafiəçisi” olan Rusiya və İranın Ukrayna müharibəsi və Hizbullah səbəbiylə diqqətinin yayındığını qeyd edib.

Blinken Əsədin ölkəni bir araya gətirmək məqsədi daşıyan hər hansı siyasi prosesdə iştirakdan imtina etməsinin rejimin dağılmasında mühüm rol oynadığını da vurğulayıb.

Roza