Futbol üzrə Azərbaycan Premyer Liqasında komanda sayı artırıla bilər.

QÜTB.AZ xəbər verir ki, elitada komandası 12-yə yüksəldilə bilər. Futbol kuluarlarında gəzən söz-söhbətə görə, AFFA rəhbərliyi bu məsələni ciddi şəkildə müzakirə edir.

SOCAR-ın “qara kassir”i Adnan Əhmədzadənin rəhbəri olduğu ASTA-nın “Mingəçevir”in sahibinə çevrilməsindən sonra komanda sayının artırılması aktuallaşıb.

Bildirilir ki, Premyer Liqadan heç bir klub düşməyəcək. Əvəzində Birinci Liqadan 2 komanda – “Qəbələ” və “Mingəçevir” çempionatın iştirakçıları sırasına qoşulacaq. Beləcə, komanda sayı 12-yə çatdırılacaq.

Belə olan təqdirdə, AFFA yenə də əsasnaməni pozacaq. Baxmayaraq ki, qurum rəhbərliyi dəfələrlə bildirib ki, heç bir halda əsasnamənin pozulmasına yol verməyəcəklər.

O da ola bilər ki, elitanı bir komanda tərk etsin, birinci dəstədən 3 komanda gəlsin. Ancaq AFFA rəhbərliyi birinci dəstədə infrastrukturu qaydasında olan və sponsor cəlb edə biləcək klub tapa bilmir.