Antonio Rudiger ötən həftə "Real" ilə UEFA Çempionlar Liqasını qazandı. Lakin bu kubok onun karyerasında sahib olduğu ən bahalı əyşa deyil. Madrid klubunun ulduzunun qol saatının nə qədər baha olduğuna inanmayacaqsınız.
Publika.az xəbər verir ki, Rudiger "Los-Blankos"un ÇL-dəki qələbəsində mühüm rol oynamaqla yanaşı, son günlər sosial şəbəkələrdə ən çox müzakirə olunan fotolardan birinin müəllifinə çevrilib.
David Alaba və Çempionlar Liqası kuboku ilə birgə fotoda almaniyalı futbolçu çox bahalı saatı ilə müzakirə obyektinə çevrilib.
Bu aksessuar "Tiffany & Co" ilə brendlər arasında əməkdaşlığın 170-ci ildönümünü qeyd etmək üçün yaradılmış xüsusi "Patek Philippe Nautilus" buraxılışının bir nümunəsidir.
"Bild"in məlumatına görə, saat 1,5 milyon dollar dəyərindədir. Çempionlar Liqası kubokundan təxminən 30 dəfə bahadır. Dünyada bu saatların cəmi 170 ədəd var.
Heybət
