Ukraynalı jurnalist İqor Burbas “Çelsi”sinin cinah oyunçusu Mixail Mudrikin orqanizmində dopinq tapılması ilə bağlı yeni məlumat paylaşıb.
QÜTB.AZ xəbər verir ki, jurnalistin mənbəsinin sözlərinə görə, yığmanın düşərgəsində futbolçu özünü diskomfort hiss edib və bu, onun normal oynamasına mane olub. Mudrik bədənin zədələnmiş hissələrini bərpa etməyə kömək edən kök hüceyrə iynəsi alıb.
Bu kök hüceyrələr bədənində meldonium ola bilən inəkdən götürülüb. Futbolçunun bədənində məhz bu qadağan olunmuş dərman tapılıb. İnyeksiyanı Ukrayna milli komandasının fizioterapevti İqor Porobiya edib.
Daha əvvəl bildirilmişdi ki, Mixail Mudrikin “B” testi müsbət çıxsa , ukraynalı futbolçunu uzun müddət diskvalifikasiya gözləyir.
