“Neftçi” yay transfer pəncərəsində növbəti transferini reallaşdırmaq üzrədir.
Publika.az xəbər verir ki, “ağ-qaralar” “Kocaelispor”da çıxış edən Ramil Şeydayevlə anlaşıb. Futbolçu ilə ümumi dəyəri 2,5 milyon manat civarında olan 3 illik müqavilə barədə razılıq əldə olunub.
28 yaşlı futbolçu “Neftçi”yə azad agent statusu ilə transfer olunacaq. Buna səbəb Türkiyə klubu ilə müqaviləsinə qarşılıqlı razılaşma əsasında xitam verməsi olub.
Milli komandamızın üzvü ona borcu olan “Kocaelispor”a jest edib. Ramil 150 min manat maaş və əlavə bonuslardan imtina edib. Klubun ona borcu olmadığına dair sənədə imza atdığı üçün transfer vərəqini təhvil alıb.
Qeyd edək ki, Ramil bu ilin əvvəlində Taylandın “Buriram Yunayted” klubundan ayrılaraq “Kocaelispor”a transfer olunmuşdu. O, 2 dönəm “Neftçi”nin əzəli rəqibi “Qarabağ”da da çıxış edib.
