.jpg)
"İnter Mayami"nin hücumçusu Lionel Messi məşhur Çin sosial şəbəkəsi "Weibo"da çin və ispan dillərində böyük yazı dərc edib.
Publika.az xəbər verir ki, argentinalı futbolçu ABŞ klubu ilə Honkonq ulduzları arasında keçirilən yoldaşlıq oyununda iştirak edə bilmədiyi üçün azarkeşlərdən üzr istəyib:
“Çin və Honkonqdakı bütün azarkeşlərə və dostlara salam. Mətbuat konfransında dediyim kimi, qasıq nahiyəsindən zədə aldığım üçün Honkonqda yoldaşlıq görüşündə oynaya bilmədim. Bunun üçün təəssüflənirəm. Zədəm inkişaf etmişdi və ağrılı idi. Məni tanıyan dostlar başa düşəcəklər ki, hər oyunda əlimdən gələni etmək istəyirəm.
Ümid edirəm ki, hələ də Honkonqa səfər etmək və öz oyunumla azarkeşləri sevindirmək imkanım olacaq. Tezliklə Çinə qayıtmağı və futbol sevincini sizinlə bölüşməyi səbirsizliklə gözləyirəm".
Heybət
