"Qarabağ"ın futbolçusu Juninyo Portuqaliyanın "ojogo.pt" saytına açıqlama verib.

Publika.az xəbər verir ki, braziliyalı hücumçu Azərbaycan təmsilçisinə uyğunlaşmasından danışıb:

"Komandaya, məşqçinin ideyalarına çox uyğun gəlirəm. Hər şey bu əlaqələrdən gəlir. Bunların da performansıma təsiri var. Komandada braziliyalı Riçard Almeydanın olması da bu prosesi sürətləndirdi. Mənə kömək etdiyinə görə ona minnətdaram. Düzdür, ilk vaxtlar çətinliklər olurdu - yeni dil, yeni mədəniyyət idi".

Juninyo "Qarabağ"ı seçməsinin səbəbini də açıqlayıb:

"Məqsədlərim var idi. Mənə təqdim olunan layihə və Çempionlar Liqasında oynamaq ehtimalı xoşuma gəldi. Uşaqlıq arzum bu turnirdə oynamaq idi və ona görə klubumu dəyişdim. İndi Avropa Liqasında mübarizə aparırıq və inkişaf mərhələsindəyik. "Bayer"lə matç möhtəşəm alınmışdı. Bu görüşlər tamamilə xəyal idi. Burada fərqi atmosfer yaşadıq. İnanılmaz təcrübə oldu.

Avropada asan oyun yoxdur. "Braqa" ilə duellər asan olmayacaq. "Braqa" yaxşı komandadır, lakin biz özümüzə baxır və hər şeyə oyundan-oyuna diqqət edirik".

Heybət