UEFA Çempionlar Liqasında 1/8 final həyəcanı davam edir.
Publika.az xəbər verir ki, bu gün ilkin oyunlar çərçivəsində daha 2 görüş keçiriləcək.
Gecənin maraqla gözlənilən matçı Milanda baş tutacaq. Burada turnirin son finalçısı "İnter" "Atletiko"nu qəbul edəcək.
Digər oyun Eyndhovendə təşkil olunacaq. Yerli PSV "Borussiya Dortmund" qarşısında imtahan verəcək.
Qeyd edək ki, mərhələnin ilk 4 görüşü ötən həftə keçirilib. "Real" "Leypsiq"i (1:0), "Mançester Siti" "Kopehangen"i (3:1) səfərdə, PSJ "Real Sosyedad"ı (2:0), "Latsio" isə "Bayern"i (1:0) evdə məğlub edib. Daha 2 oyun isə sabah baş tutacaq.
UEFA Çempionlar Liqası, 1/8 final: ilkin oyunlar
20 fevral
00:00 İnter - Atletiko
00:00 PSV - Borussiya Dortmund
Heybət
