Futbol üzrə Türkiyə Superliqasında XVI turdan təxirə salınmış oyunlara start verilib.
Publika.az xəbər verir ki, ilk gündə dörd qarşılaşma baş tutub.
Matçların üçündə qonaqlar qələbə qazanıblar. Bir görüşdə isə heç-heçə qeydə alınıb.
Bu mövsüm qeyri-sabit çıxışı ilə diqqət çəkən "Beşiktaş" səfərdə "Çaykur Rizəspor"u 4 cavabsız qolla üstələyib. Qonaqların heyətində Miloş Raşitsa, Semih Kılıçsoy (2) və Cenk Tosun fərqləniblər.
Bu qələbə ilə xallarını 32-yə çatdıran "Beşiktaş" dördüncü pilləyə yüksəlib. 29 xalı olan "Çaykur Rizəspor" isə altıncıdır.
Günün digər oyunlarında "Başakşehir" "Kasımpaşa"nı 3:0, "Alanyaspor" "Pendikspor"u 1:0 hesabı ilə məğlub edib, "Alanyaspor" - "Ankaragücü" görüşündə isə qalib müəyyənləşməyib - 1:1.
