"Bayern" "Barselona"nın müdafiəçisi Ronald Arauxonu 100 milyon avroya transfer etmək istəyir.
Publika.az "Mundo Deportivo"ya istinadən xəbər verir ki, Münhen klubu transferlə bağlı "Barsa" ilə razılığa gələ biləcəklərinə inanır .
Mənbənin sözlərinə görə, uruqvaylı müdafiəçi "pivəçilər" üçün prioritet hədəfdir. Qeyd olunur ki, "Bavariya" Ronaldın transferini həyata keçirmək üçün bəzi oyunçuları ilə ayrılmalı olacaq.
Arauxo 2018-ci ildən "Barselona"da çıxış edir. Bu mövsüm müdafiəçi bütün turnirlərdə 30 oyun keçirib və 1 qol vurub. Futbolçunun Kataloniya klubu ilə müqaviləsi 2026-cı ilin iyun ayına qədər qüvvədədir.
Heybət
